Servizos de programación informática
No ano 2007 un grupo de mozos programadores informáticos, con contrastada experiencia no desenvolvemento de aplicacións informáticas de xestión, deciden unir esforzos e dar luz verde a un novo proxecto: a creación da súa propia empresa. Así nace SID, coa vantaxe da profesionalidade das persoas que a forman, capaces de crear e adaptar solucións personalizadas para dar resposta ás necesidades da súa clientela. O mantemento e a reciclaxe continua garanten a eficacia e calidade dos produtos e servizos que ofertan.
Dentros dos produtos e actividades desenvolvidas por SID atópanse:
– Venda e mantemento de programas de xestión (software) e equipos informáticos (hardware).
– Deseño, creación e venda de páxinas web.
– Implantación e mantemento de redes locais.
– Análise, desenvolvemento, instalación, formación e mantemento de aplicacións informáticas de xestión a demanda do cliente.
– Standard de contabilidade e nóminas.
Destacar dentro da súa clientela a cooperativas cunha ampla traxectoria no mundo rural, que confiaron en SID para a súa informatización.