Directorio /  MedAtlantia S. Coop. Galega - Espazo Coop Ir a espazo.coop

MedAtlantia xorde das necesidades e desexos das tres persoas promotoras que, con experiencias profesionais afíns e complementarias, deciden xuntar esforzos e crear unha cooperativa de traballo asociado, empurrados por unha dobre motivación: por un lado a de eliminar a situación de desemprego na que se encontran e asegurarse así, a través do autoemprego, un posto de traballo estable de carácter indefinido; e por outro, a de garantirse a permanencia e dedicación profesional a un sector polo cal, con máis de 10 anos de experiencia, senten unha gran paixón e vocación.

Así, MedAtlantia Consultoría Europea, S. Coop. Galega nace como cooperativa de traballo asociado dedicada á consultaría técnica especializada, concretamente á prestación de servizos e asistencia técnica na xestión integral de proxectos financiados con fondos públicos (fondos estatais, fondos europeos, fondos de cooperación ao desenvolvemento, fondos de innovación, liñas de financiamento de organismos multilaterais, etc.) en todas as fases do proxecto (identificación, planificación, deseño, desenvolvemento, busca de financiamento, coordinación, execución, seguimento, avaliación e auditoría).