Directorio /  Colexio Ángel de la Guarda | A Medoña S. Coop. Galega - Espazo Coop Ir a espazo.coop

O Colexio Ángel de la Guarda ten como ideario:

Proporcionar o desenvolvemento intelectual, afectivo, humano e social do alumnado, mediante actividades nas que sexa o verdadeiro protagonista, dentro dun marco de tolerancia, liberdade e colaboración.

Desenvolver persoas que pensen con rigor e creatividade, que teñan independencia de criterio e actúen con responsabilidade.

Crear un estilo familiar e cercano que axude á participación activa de todos os sectores da comunidade.

Potenciar as actividades que se realizan fora da aula, xa que reforzan, tanto a convivencia entre o alumnado, e a de este co profesorado, como os contidos pedagóxicos das diferentes materias escolares.

Fomentar o respeto pola natureza participando en programas de protección e defensa do medio natural.

Obxetivos xerais do centro:

• Participar no funcionamento do centro todos os sectores que forman a comunidade escolar.
• Fomentar o diálogo e o respeto, xunto coa a tolerancia entre todos os membros da comunidade escolar.
• Colaborar con organizacións fomentando a solidaridade.
• Realizar saídas e convivencias para que as actividades educativas non se limiten ao marco do centro.
• Fomentar o hábito do estudio e mellorar a organización persoal responsabilizándose progresivamente.
• Impulsar e utilizar as bibliotecas (centro, aula…).
• Conseguir que se interesen no deporte desde un punto de vista lúdico e saudable.
• Participar nos programas de protección e defensa do medio natural.
• Aumentar o interese pola música e o teatro.
• Facilitar o uso da informática como importante medio de ensino e fonte de información.

Niveis educativos:

• Educación Infantil (3-6)
• Educación Primaria
• E.S.O.