SIMBIOSIS
Simbiosis | Formación, Seguridade Alimentaria e Nutrición, Sanidade
Simbiosis, S. Coop. Galega é unha cooperativa de traballo asociado, fundada e integrada por mulleres, baseada nos valores cooperativos de axuda mutua, responsabilidade, participación democrática, igualdade, equidade e solidariedade, que inicia a súa traxectoria profesional en novembro de 2012. Levan máis dunha década formando e asesorando a empresas e particulares sempre co compromiso dunha formación práctica e de calidade.
Participan en proxectos de formación que favorecen o emprego de calidade, a inclusión e a conciliación, reducindo desigualdades e creando oportunidades.
Simbiosis sempre busca novas colaboracións e alianzas para seguir medrando e ten gran interese na intercooperación.
Que servizos prestan Simbiosis?:
Formación:
- Formación en calidade e seguridade alimentaria e etiquetado alimentario para produtores primarios, industria alimentaria, comercio de alimentación, ou hostalaría
- Formación online con cursos sobre veterinaria, gandaría, alimentación, sanitarios e outras áreas de interese para empresas, profesionais e particulares.
- Cursos acreditados con CFC (créditos de formación continuada) para profesións sanitarias
- Entidade organizadora de formación programada para empresas bonificada a través de Fundae (Fundación Estatal para la formación en el Empleo).
- Descontos para desempregados, exalumnos, así como para cooperativas e outras entidades de economía social.
- Están localizadas na Coruña, máis a súa formación é online, polo que o ámbito de actuación abrangue todo o territorio galego e estatal.
Asesoría e consultoría
- Asesoramento en etiquetaxe alimentaria, seguridade alimentaria e lexislación do sector alimentario.
- Xestoría e asesoría fiscal laboral e contable para cooperativas, incluíndo a confección de libros e contas anuais así como a súa presentación.
- Desenvolvemento e participación en proxectos de formación para a inclusión, a igualdade e a inserción laboral, así como en proxectos de divulgación e promoción de produtos de proximidade e da pesca sostible.
- Accións de promoción do cooperativismo e economía social.
Editorial
- Actividade editorial, publican ebooks didácticos e divulgativos de calidade.
- Elaboran guías e manuais para profesionais e consumidores.
