Dende a nosa cooperativa socia
XERACCIÓN chéganos unha petición de apoio destinada ás demais asociadas e a outras cooperativas, para poder continuar co seu Proxecto
SEMENTANDO CIDADANÍA, de
atención a familias en situación de vulnerabilidade:
A petición de Xeracción invita a aportar recursos do Fondo de Formación e Promoción Cooperativa das cooperativas ao Proxecto Sementando Cidadanía, en base á Autorización do Consello Galego de Cooperativas a destinar este Fondo á promoción social da comunidade para atender necesidades derivadas da pandemia ocasionada polo Covid19 (Resolución do 8 de abril de 2020 – DOG nº 75 do 20/4/2020).
Xeracción explícanos que «Comezamos con este proxecto de atención en xaneiro de 2019, ía ser financiado a través das axudas de Asuntos Sociais do Concello de Ourense, pero denegáronnos o financiamento por non ser Asociación nin Fundación, a pesar de que a Convocatoria era para entidades sen ánimo de lucro (como é o noso caso). Agora, durante o confinamento pola alerta sanitaria, a situación tanto económica como psicóloxica das familias que atendemos no programa, a maioría superviventes da violencia machista, se recrudeceu e precisan máis apoio que nunca, polo que a pesar de carecer neste momentos de financiación, continuamos co Programa.
Neste enlace:Proxecto Sementando Cidadanía, pódense consultar as liñas básicas do noso programa para que teñades máis información e nos poidades ter en conta á hora de decidir onde destinar o Fondo de Formación. Moitas grazas pola vosa atención e apertas cooperativas.»
Nerea Conde Seguín | Traballadora Social –
Xeracción s. coop. galega | 988 613822 – 698 131 032 |
info@xeraccion.com | R/ Moratín Nº 2 Ourense
