12 Edición da Feira das Industrias Culturais – Culturgal

Esta fin de semana a economía social de Galicia estará presente no Culturgal, a Feira de Industrias Culturais de Galicia que terá lugar en Pontevedra do 29 de novembro ao 1 de decembro.

Son 14 as entidades de economía social as que participarán nun espazo expositivo conxunto promovido pola Consellería de Economía, Emprego e Industria e a Rede Eusumo que realizarán actividades de difusión e promoción a través dun stand conxunto onde poderán acadar alianzas e colaboracións cos outros co-expositores.

No Expositor participan 12 cooperativas das Industrias Culturais socias da Unión de Cooperativas, un grupo diverso que fan parte da Sectorial de Cultura de EspazoCoop:

Ademais no stand común participan as empresas de economía social Ben Curiosa e Dez de Dez. Neste dossier podes consultar as entidades cooperativas e da economía social participantes nesta edición.

Durante os tres días do evento, organizado nesta duodécima edición baixo o lema “Dálle unha volta á Feira” entre o 29 de novembro e o 1 de decembro no Pazo da Cultura de Pontevedra, 14 entidades -12 cooperativas e dúas sociedades laborais-, así como a Rede Eusumo, presentarán os seus proxectos, produtos e servizos. As actividades abertas ao público que visite o stand son:

Sábado, 30 de novembro
-11:30h. Presentación da Axenda Sectorial de Cultura da Economía Social da Eurorrexión – Proxecto LACES. Actividade desenvolta por DezdeDez Sociedade Laboral.

-12:30 a 13:15 h. Presentación das Rutas Literarias por Compostela e da Excursión á Ruta Cristobal Colón galego co escritor Rodrigo Costoya. Actividade organizada por DezdeDez Sociedade Laboral.-19:00 a 19:45 h. Encontro entre Isa Shopaholic, youtuber da canle O Galego mola, con seguidores e venta de merchandising. Actividade desenvolta por DezdeDez Sociedade Laboral.

Domingo, 1 de decembro
-12:30h. Presentación do festival feminista de arte urbana e contexual Delas Fest. Actividade desenvolta por 7H Cooperativa Cultural.
-17:15 a 18:00. Sinatura de discos de Silvia Penide. Actividade desenvolta por DezdeDez Sociedade Laboral.

A maiores, como actividade interna para as participantes no stand, na xornada do venres e do sábado desenvolveránse os “Encontros coa Economía Social”, uns breves espazos de reunión no que entidades de Economía Social presentes no Culturgal terán a oportunidade de presentar unha proposta de actividade, iniciativa ou produto a representantes institucionais, administracións e empresas para posibles acordos de negocio ou colaboración.

Para coñecer máis información acerca de Culturgal 2019, podes consultar o programa completo premendo aquí.

—

Fonte: vía web Eusumo www.eusumo.gal

Directorio / Culturgal acoge a las cooperativas de las Industrias Culturales en un Expositor conjunto - Espazo Coop Ir a espazo.coop

Culturgal acoge a las cooperativas de las Industrias Culturales en un Expositor conjunto

12 Edición da Feira das Industrias Culturais – Culturgal

Relacionado