Arranca ‘Bolsas de xerencia en cooperativas e entidades de ES’

EspazoCoop promove este programa que impulsa a mellora da área xerencial nas cooperativas e outras entidades de ES. A  Unión marcouse como meta ofrecer  un servizo de apoio e consolidación cooperativa, neste caso ao labor xerencial, lanzando para elo o “Programa de bolsas de xerencia en cooperativas e entidades de economía social”.

Esta semana arrancou a estadía en prácticas das persoas seleccionadas para apoiar ás organizacións beneficiarias, as cales seguirán un programa teórico-práctico durante 6 meses, e contarán con titorías de EspazoCoop.  As bolseiras contan con formación na área empresarial e prestarán apoio a 7 cooperativas socias e unha rede de Economía Social (ES).

• MELANDRAINAS S. Coop. Galega – Arteixo.
• NUTRE EN BIO S. Coop. Galega – Salvaterra de Miño.
• CATRO VENTOS EDITORA S. Coop Galega – Vigo.
• REXENERANDO S. Coop. Galega – Narón.
• Rede de Economía Alternativa e Solidaria de Galicia – REAS GALICIA – Santiago de Compostela
• XEITURA S. Coop. Galega – Allariz
• MULLERES COLLEITEIRAS S. Coop. Galega – Oleiros
• FABSPACE S. Coop. Galega – Vigo

A finalidade do programa é dobre, mellorar as condicións nas que as cooperativas abordan a función xerencial e impulsar procesos de mellora e crecemento, e tamén fomentar o emprego mellorando a capacitación de mozos-as mediante un proceso de iniciación profesional nas cooperativas e organizacións de ES.

O programa de bolsas está enmarcado:

• na programación 2018 da Rede Eusumo – Xunta de Galicia
• no programa LACES (Laboratorios de apoio á creación de emprego e empresas de economía social) – Eurorexión Galicia – Norte de Portugal – Feder

Fotos: Titoras de EspazoCoop acompañando ás bolseiras na incorporación en cooperativas e entidades de ES.

O pase de diapositivas require JavaScript.