A cooperativa Algalia é un referente en temas de consultoría e asesoría, periodicamente informa de cuestións relevantes na xestión empresarial. Hoxe reflectimos unha información que nos chegou a través do seu boletín, de interese para o ámbito sociolaboral das empresas e das cooperativas, en concreto para os procedementos de baixa das persoas por incapacidade temporal.

Fonte: Algalia

Información de: Marta Armada Castro – Socia, Xefa de Equipo Asesoría Sociolaboral de Algalia

En relación á recente modificación legal sobre a obrigación de presentación dos partes de baixa, confirmación e alta de incapacidade temporal, a cooperativa Algalia concreta a información sobre o futuro tratamento dos partes relativos a incapacidade temporal:

A Tesouraría Xeral da Seguridade Social (TGSS) implantou o Sistema de Liquidación Directa de cotizacións da Seguridade Social. O obxectivo deste sistema é minimizar os erros e contrastar os datos con carácter previo á liquidación que se xerará de forma automática. Con este obxectivo a Inspección de Traballo pode sancionar as comunicacións dos partes de baixa, partes de confirmación e partes de alta que se realicen fora de prazo. Neste sentido os prazos legais establecidos son os seguintes:

COMUNICACIÓN DO/A TRABALLADOR/A Á EMPRESA

– Partes de baixa e de confirmación – no prazo de 3 días contados a partir da súa data de expedición.
– Partes de alta – dentro das 24 horas seguintes á súa expedición.

COMUNICACIÓN DA EMPRESA AO INSS (Instituto Nacional da Seguridade Social)

– Partes de baixa – 3 días (contados desde a data de entrega do traballador do parte de baixa á empresa).
– Partes de confirmación – 3 días (contados desde a data de entrega do traballador do parte de confirmación á empresa).
– Partes de alta – 3 días (contados desde a data de entrega do traballador do parte de alta á empresa).

Por tanto, é necesario que se rexistre a data de entrega do/a traballador/a á empresa do correspondente pois esa é a data de referencia para o cumprimento do prazo de comunicación ao INSS por parte da empresa. Sendo conscientes da dificultade de poder acreditar ante o INSS a posteriori a data na que o traballador fixo entrega dos partes, creemos conveniente que se establezan mecanismos de rexistro de devanditas entregas – arquivo de correos electrónicos, firmas dos documentos de baixa, confirmación e alta por parte do traballador con indicación da data de entrega por parte do mesmo, etc.-.

Adicionalmente, con data de entrada en vigor o 1 de decembro de 2015 entrou en vigor un novo sistema de expedición dos partes de baixa/confirmación/alta.

Para continuar informándote sobre este proceso (para ver o cadro de prazos de expedición que serán realizados normalmente por parte do facultativo do servizo público de saúde ou da mutua, e máis para coñecer as obrigas da empresa), fai clic : Cambios en formas e prazos en procedementos por incapacidade temporal.