Xeitura s. coop. galega, colabora co Concello de Celanova (Ourense) na organización dos Campamentos Arqueolóxicos de verán do Poblado de Castromao, serán no mes de agosto, do 3 ao 7 de agosto para nenas/os de 6 a 9 anos, e do 17 ao 21 de agosto para nenas/os de 10 a 13 anos, de luns a venres de 10 a 14 h.

A proposta lúdico-educativa contempla distintas actividades relacionadas co mundo castrexo, co fin de que os máis pequenos/as teñan un coñecemento sobre como era a vida nos antigos poblados na Idade de Ferro.
Haberá xogos e actividades de coñecemento sobra as casas, guerreiros, tecidos, cerámica e alimentos dos castrexos, exploracións arqueolóxicas e saídas culturais, incluíndo o xacemento próximo a Castromao. Tamén actividades sobre o patrimonio inmaterial de Terra de Celanova e,  unha festa de despedida coas familias, e se prevé pernoctar unha noite no poblado.

Máis información e inscricións na oficina de turismo de Celanova ou na Casa dos Poetas de Celanova. Contacto: 650 05 70 11 (Begoña).