ÁRBORE CONSUMO CONSCIENTE | Tenda de produtos ecolóxicos e comercio xusto
Consumo Consciente Árbore, S. Coop. Galega naceu en 2001 como unha cooperativa de consumo sen ánimo de lucro, cunha misión clara: facilitar un consumo consciente de alimentos ecolóxicos e de comercio xusto, e promover un consumo responsable coas consecuencias económicas, ecolóxicas e sociais das nosas formas de alimentación.
Árbore ten a súa sede en Vigo e ofrece a persoas socias e non-socias unha selección de produtos ecolóxicos, veganos e vexetarianos, frescos e locais, xunto con todo tipo de graneis e bens de comercio xusto.
Ademais de ser socia de Espazocoop, Árbore participa noutras entidades e colectivos da economía social e solidaria: REAS Galicia, a Rede de Supermercados Cooperativos, e cooperativas de consumo e servizos financeiros (Fiare Banca Etica, Coop57, Som Connexió, Nosa Enerxía…). En 2024, a cooperativa recibiu o Premio aos Valores Cooperativos.
Máis información sobre como facerse socia da cooperativa en https://arbore.gal/socias
Sectores: Alimentación Comercio
Actividades: Alimentación - Alimentos Ecolóxicos - Produtos Sostibles