ANACOS EDUCATIVOS | Proxectos socioeducativos e culturais
ANACOS é unha cooperativa de iniciativa social que deseña e desenvolve proxectos educativos, culturais e comunitarios con perspectiva de xénero, enfoque social e compromiso co territorio.
Traballan desde a educación non formal como ferramenta de transformación, poñendo no centro ás persoas, os coidados e a participación activa.
Desenvolven accións dirixidas a infancia, mocidade e persoas adultas en ámbitos como a igualdade, a prevención de violencias, a autoestima, a corresponsabilidade, a cultura e a dinamización comunitaria, colaborando con administracións públicas, centros educativos e entidades sociais.
ANACOS nace da convicción de que os proxectos feitos con tempo, calidade técnica e unha estética coidada xeran impacto real, apostando por unha economía social sostible, feminista e en galego.